Shumë turistë të huaj kanë zgjedhur Durrësin për të kaluar ditët e pushimit të Pashkës dhe jo vetëm.
Të ardhur nga vende të ndryshme si Polonia, Norvegjia, Afrika etj, turistët thonë se Shqipëria është futur tek destinacionet më interesante për tu vizituar, duke renditur edhe arsyet.
“Vij nga Norvegjia. Kemi dy ditë që jemi këtu dhe do rrimë edhe dy ditë të tjera. Kemi një të njohur këtu dhe po kalojme disa ditë. Me origjinë jam nga Maroku, këtu ka një mot shumë të mirë, plazhi dhe deti gjithashtu. Çdo gjë është e mirë. Vij nga Gambia. Më pëlqen këtu. Erdhëm, për të pushuar. Këtu çdo gjë është shumë mirë, kushtet, moti, plazhi. Çmimet janë të mira dhe ushqimi është i shijshëm.”, shprehen turistët e huaj.
Nga përgatitjet dhe rezervimet që janë bërë deri në këtë periudhë të vitit, pritshmëritë e këtij sezoni mbeten akoma edhe më të larta, duke tejkaluar shifrat e një viti më parë.
Dita e dielë ka nisur me vranësira të shumta në të gjithë territorin e qarkut të Vlorës, por me temperatura deri në 25 gradë Celsius dhe me një klimë të ngrohtë. Sezoni turistik nuk ka nisur ende zyrtarisht, por ka nisur frekuentimi i shëtitores së Lungomares dhe vijës bregdetare.
Qytetarë të shumtë të Vlorës kanë zgjedhur që këtë të dielë ta kalojnë jashtë nisur nga fakti që është një ditë pushimi, por jo vetëm kaq, është edhe një ditë festë dedikuar Pashkëve.
“Ne vlonjatët flemë në det. Nuk e kemi problem.”
Kjo ka bërë që në qytet të shtohet ndjeshëm trafiku në akset rrugore kryesore.