Një 40-vjeçar është plagosur me thikë pas një sherri natën e kaluar në Tiranë.
Burime bëjnë me dije se ngjarja ka ndodhur në zonën e Komunës së Parisit në kryeqytet, ku 40-vjeçari është goditur me thikë në kurriz.
I plagosuri është dërguar me urgjencë në spitalin e Traumës, teksa mësohet se ndodhet jashtë rrezikut për jetën.
Burimet bëjnë me dije se blutë e kryeqytetit kanë shoqëruar në komisariat disa persona të përfshirë në sherr, teksa mësohet se konflikti ka nisur për motive banale.
Deri më tani nuk dihen rrethanat e ngjarjes, ndërsa pritet një njoftim zyrtar nga policia për rastin në fjalë