Anaid Kaloti ka hedhur hije dyshimi për daljen e aktores Egla Ceno ditën e djeshme nga shtëpia e ”Big Brother Albania Vip 3”. Ai ka postuar momentin kur Juli komunikon skualifikimin e Eglës dhe e krahason atë me Sarën ku kësaj të fundit iu tha je e “përjashtuar”.
Madje ai ka arritur deri aty sa ka postuar një foto të ish-banores duke shkruar “Gëzuar 1-prillin”. Nuk ka ndalur këtu sepse më tej në Instastory ai shkruan: ”Ka humbur Egla,nuk është as në shtëpi, as ka folur me nënën, as e ka parë njeri në pallat, as me shoqen e ngushtë nuk ka folur. Kush ta shikojë të më shkruajë”.
Më vonë ka postuar një foto të Eglës që kërkohet dhe thotë: ”1 milion lekë të vjetra i jap të parit që më çon një foto të Eglës në dorë ose me banke si të dojë… (premtim publik)”.
