Dritan Demiraj foli për situatën në Ballkanin Perëndimor dhe sa i rrezikuar është nga tensionet.
Gjatë kësaj interviste, Demiraj nënvizoi se Ballkani Perëndimor vazhdon të jetë pjesë e planeve të Kremlinit.
“Në gjykimin tim Ballkan Perëndimor vazhdon të jetë pjesë e planeve të Kremlinit e asaj që njihet si luftë hibride që Rusia e quan lufta e gjeneratës së re, është një doktrinë ushtarake e krijuar në 2013. Një pjesë e kësaj luftë hibride që i ka të gjitha llojet e luftërave brenda, keqinformimit janë përdorimi i individëve të shërbimeve sekrete në mënyrë që të gjitha sulmet shteti përkatës në të cilën ka origjinën këta njerëz të mos mbajë përgjegjësi”, u shpreh ai.
Gjithashtu Demiraj u ndal edhe tek influenca ruse në Shqipëri, duke thënë se në Shqipëri është shtuar shumë.
“Influenca ruse është shtuar shumë në Shqipëri dhe qeveria duhet ta marrë shumë seriozisht. Janë elementë të luftës, pavarësisht se nuk përdoren armë, dëmin e bëjnë më të madh. Ndërsa gjeneral Stavridis, ka qenë komandanti i Komandës Supreme Europiane. Unë besoj që SHBA dhe BE e kanë kuptuar qartazi që investimi për ta afruar drejt Perëndimit presidentin serb, ka qenë i kotë. Sa herë që Putin kërkon të krijojë tension, dërgon Dodik në Moskë. Tani janë gati mbi 450 mercenarë. Të gjithë këto mercenarë kanë përfunduar stërvitjen. Qëllimi tyre është të krijojnë destabilitet. Presin urdhrin për të destabilizuar veriun e Kosovës. Në këtë situatë Kosova duhet të bëjë detyrën e saj, në bashkëpunim në mënyrë të veçantë me SHBA”, tha ndër të tjera Demiraj.