Donald Trump pretendon se Joe Biden ka marrë drogë përpara fjalimit për gjendjen e kombit në Kongres muajin e kaluar. Ai u shpreh i habitur se si kreu i Shtëpisë së Bardhë e nisi adresimin e tij shumë i zjarrtë me energji, por që ishte fikur shpejt në fund.
“Ka diçka që nuk shkon aty. Në fillimish ishte më ‘High’ se një balonë, më pas u shua shpejt. Kërkoj një debat për këtë, ose të paktën të bëjë një test për drogën”, tha Trump gjatë një interviste në një radio amerikane.
Ai tentoi të bënte një lidhje mes aludimit të tij me raportimin për gjetjen e një sasie kokaine brenda Shtëpisë së Bardhë, korrikun e kaluar. Duke reaguar ndaj këtyre komenteve të Trump, një zëdhënës i fushatës së Biden, tha për Forbes se “ky ishte një tjetër shpërthim i çuditshëm nga kandidati republikan”. Ai e konsideroi këtë një sjellje toksike prej humbësi.