Një atentat me armë zjarri ka ndodhur ndaj një 33-vjeçari shqiptar në Marbella të Spanjës.
Sipas mediave vendase ngjarja ka ndodhur në qendrën tregtare Guadalmina, ku persona ende të paidentifikuar kanë zbrazur armën drejt shqiptarit, duke e lënë të plagosur rëndë.
Ky i fundit mësohet se është nisur drejt spitalit për ndihmë mjekësore, ndërsa paraprakisht dyshohet se ngjarja ka ndodhur për prishje të pazareve të drogës.
Sakaq autoritetet kanë nisur hetimet për identifikimin dhe kapjen e autorit/ëve si dhe zbardhjen e plotë të rastit.