Ish-ministri i Jashtëm, Paskal Milo flet për sulmin e Iranit ndaj Izraelit mbrëmjen e 13 prillit. Për të mund të pritet që situata të përkeqësohet, ndërkohë që ka bërë një analizë të politikës së brendshme të Izraelit dhe rrezikun që kjo sjell në nxitjen e konflikteve të mëtejshme në rajon.
“Njerëzit duhet të jenë të përgatitur. Irani ka qëndruar gjithmonë pas organizatave të tilla që quhen terroriste, siç është Hamasi dhe Hezbollah apo Huthët, duke i ndihmuar me armatime dhe financime.
Besoj se në Izrael është një qeveri e emergjencës nuk ka baza të shëndetshme për të qëndruar në afatgjatë. Do të tronditet herë pas here pasi pasqyrojnë interesat e qarqeve ekstremiste që kërkojnë që të hakmerren.
Duan të mbajnë kuota mbështetjeje brenda vendit përmes veprimeve ekstreme, siç do të ishte një kundërpërgjigje ndaj Iranit. Por këtu u bënë bashkë disa faktorë, siç është rreziku i përshkallëzimit që mund të përfshijë aktorë të tjerë jashtë rajonit, siç është edhe SHBA”, tha Milo.