Real Madrid përgatit për një tjetër ndeshje të madhe. Skuadra e Carlo Ancelotti do të luajë në Santiago Bernabeu ndaj rivalëve të Barcelonës, ku synohet një fitore për të hedhur një hap të sigurt drejt titullit të LaLiga. Trajneri italian i madrilenëve në konferencën për shtyp, theksoi se nuk i interesojnë kritikat për mënyrën se si u kualifikua skuadra e tij ndaj Cityt, ndërsa shtoi se Valverde është i pazëvendësueshëm.
Valverde? E vështirë të thuash se çfarë mund të përmirësojë ai, është lojtar për ekipin dhe është vendimtar. Është gati të luajë në çdo pozicion dhe për këtë skuadër është i pazëvendësueshëm.
Kritikat për kualifikimin në Champions? Nuk më surprizojnë, secili është i lirë të mendojë se çfarë të dojë. Duhet të dish të menaxhosh topin kur e ke në zotërim dhe kur nuk e ke atë. Ne e bëmë shumë mirë lojën tonë dhe unë nuk kam parë asnjë madrilen të mërzitur për kualifikimin tonë.
LaLiga? Jemi shumë afër titullit, “El Clasico” është një mundësi më shumë për ta fituar kampionatin”, u shpreh Ancelotti.