Përfaqësuesi i Rusisë në OKB thotë se ekziston rreziku i një konflikti të ri në Ballkan, shkruan në rrjetin X Ivana Stradner, bashkëpunëtore hulumtuese e Fondacionit për Mbrojtjen e Demokracisë nga Uashingtoni.
Ajo ka publikuar një foto të një interviste që Vaslij Nebenzja, përfaqësuesi i përhershëm i Rusisë në Kombet e Bashkuara, ka dhënë për Politika, e cila është transmetuar nga Russia Today.
“Rusia dëshiron të hapë një front të dytë në Ballkan. Putin dëshiron të tregojë se vullneti i tij për të sfiduar Perëndimin është më i madh se vullneti i Perëndimit për të rezistuar. Është koha për t’i vërtetuar se e ka gabim”, – tha Stradner.
Nebenzja tha në intervistë se lobimi për rezolutën e Asamblesë së Përgjithshme të OKB-së për gjenocidin në Srebrenicë është një tjetër përpjekje e Perëndimit për të ushtruar presion dhe nënshtruar serbët nga Bosnja dhe Hercegovina, së bashku me të gjithë të tjerët.