Presidentja e Kosovës, Vjosa Osmani u përball të hënën me homologun serb, Aleksandër Vuçiç me krimet e Serbisë gjatë luftës në Kosovë. Dhunimet, krimet dhe masakrat serbe ishin ndër çështjet që Osmani i përmendi në Këshill të Sigurimit.
Ajo i kërkoi Vuçiçit që të ndalej për një moment dhe t’i kërkojë falje viktimave të regjimit të Millosheveqit. “Viktimat e atij regjimi janë këtu, ndalu një moment dhe kërkoju falje nëse ke sadopak njerëzillëk në vete”, ishin ndër fjalët e Vjosës drejtuar homologut serb.
Ky moment ka zgjuar vëmendjen e shumtë edhe tek figurat e njohura dhe ishte po ashtu edhe babai i Rita Orës, Besnik Sahatçiu i cili e shpërndau këtë moment të Osmanit në rrjetin social Instagram.
