Nga Tirana në takimin me delegatët për Konventën Kombëtare, kreu i Partisë së Lirisë, Ilir Meta tha ndër të tjera se partia ka hyrë në fazë të re organizimi e cila do të shpaloset më 27 prill. Meta u shpreh se slogani i kësaj lëvizje do të jetë nga tani e tutje “Për ty Atdhe”, ndërsa shtoi se do të garojë për postin e presidentit në PL, si kandidati më i duhur.
”Sufllaqe nga qielli nuk bien më. Liderët formohen në opozitë, jo në qeveri, përmes sakrificës. Të jesh në opozitë është mision, sakrificë, vetëm liderët e kuptojnë këtë”, tha Meta.
Po ashtu, Meta deklaroi se PL do të kthehet në forcë politike që do të rrëzojë nga pushteti Rilindje. “Rilindja do ta marri të shtyrën më 27 prill. Forca drejt konventës, kudo e ndjej që Shqipëria po lëviz, minjtë po dridhen. Përballë tyre do të jetë një shumicë dërmuese. Iku koha kur opozita drejtohej nga lulushët, tani drejtohet nga njerëz me karakter dhe të paepur si nënë Selvija”, tha Meta.