Zëvendëskryeministrja dhe ministrja e Infrastrukturës dhe Energjisë, Belinda Balluku ka vënë në pah punën e bërë nga qeveria në sektorin e turizmit përgjatë këtyre viteve. Shifrat e larta të turistëve që kanë vizituar vendin tonë vitin e kaluar, janë rezultat edhe i promovimit të mirë që kreu i qeverisë i ka bërë Shqipërisë në arenën ndërkombëtare, sipas Ballukut.
“Ky sukses nuk ka ardhur sepse i ka ardhur koha. Nuk ka ardhur koha, thjesht është bërë një punë e jashtëzakonshme nag qeveriaa shqiptare, nga bashkitë, institucionet, etj,. Gjithashtu është bërë një promovim i jashtëzakonshëm nga kryeministri Rama. Ne e dimë shumë mirë që Shqipëria gëzon në arenën ndërkombëtare një vend të veçantë nga çka kryeministri ka bërë. Këtë vit 14 milionë turistë është projeksioni. Projeksionet gabojnë vitet e fundit, po në mënyrë pozitive”, tha Balluku.