Protesta e mbrëmshme e opozitës u shoqërua me përplasje dhe dhunë deri pas mesnate. Ndërsa u lënduan 13 efektivë, mes të plagosurve kishte edhe protestues.
Mësohet se një protestues është rrahur barbarisht nga militantët e opozitës duke i thyer brinjët.
Bëhet e ditur se 39-vjeçari është rrahur nga protestuesit e tjerë pasi këta të fundit kanë dyshur se ai ishte polic i infiltruar.
Sakaq, mësohet se personi që u godit nga protestuesit ishte vetë protestues. Ai është identifikuar si Stak Kola i datëlindjes 29.08.1980 nga Puka, banon ne Bathore dhe është i papunë.
Ndërkohë, sipas asaj që është raportuar në media 39-vjeçari më parë ka punuar si polic privat në një kompani. Mirëpo, natën e mbrëmshme ai ishte thjesht protestues mes turmës. Tashmë ai po mbahet nën kontrollin e mjekëve dhe ka qenë vetë ai që ka rrëfyer për policinë mënyrën se si është dhunuar si dhe motivin.
