Klosi: Rama do takohet me “çunat e Londrës”

Kryeministri Edi Rama do jetë edhe në Londër me shqiptarët, e veçanërisht me “çunat” e Kukësit. Sekretari i Përgjithshëm i Partisë Socialiste, Blendi Klosi gjatë një takimi me strukturat e PS-së në Kukës, ku pati diskutime edhe për votën e diasporës.“E gjithë diaspora e Kukësit, në Greqi, Itali, por sidomos në Angli, është e ftuar të marrë pjesë në takimet me kryeministrin. PS e ka dëshmuar tashmë që është për votën e diasporës”, tha Klosi. Gjatë takimit, ai tha se Partia Socialiste synon që Shqipëria e vitit 2030 të shndërrohet në një pikë referimi në rajon. Drejtuesit e PS-së kanë nisur një tur takimesh me degët lokale, duke përgtatitur strukturat për zgjedhjet e delegatëve dhe Kongresin që pritet të mbahet në qershor.