Një nënë së bashku me 3 fëmijët e saj, prej 3 ditësh, rezultojnë të humbur në Shkodër.
Një prej fëmijëve është gjetur i pajetë nga një peshkatar në ujërat e lumit Drin. Ndërkohë dyshohet se edhe dy fëmijët e tjerë dhe nëna Alma Arrazi kanë patur po të njëjtin fat tragjik.
4-vjeçari që u gjet i mbytur nga peshkatari në mënyrë rastësore dyshohet se ka shenjë dëmtimi në pjesën e fytyrës.
Policia ka ndaluar bashkëshortin, Ergys Arrazi, i cili më përpara kishte deklaruar për policinë se ka humbur kontaktet me familjen e tij.
Fëmijët e mitur janë dy vajza dhe një djalë të moshës 8, 6 dhe 4 vjeç.
Janë ende të paqarta arsyet e kësaj ngjarje ndërsa policia dhe prokuroria kanë nisur hetimet duke marrë në pyetje familjarë të shtetases Alma Arrazi dhe bashkëshortit të saj të ndaluar nga policia nëse kanë dijeni për ngjarjen dhe arsyet që çuan nënën bashkë me 3 fëmijët që të mbyten në lumë.
Polumbarët e forcave Renea ndodhen në Shkodër duke bërë kërkime për trupat e tre personave të tjerë.