Aksident, 25-vjeçarja humb kontrollin e makinës dhe plagoset bashkë me vajzën. Ja gjendja e tyre

Një aksident me pasojë plagosjen e shoferes dhe vajzës së saj 2-vjeç ka ndodhur në aksin rrugor Pogradec-Qafë Thanë në afërsi të Gurit të Kuq. Sipas njoftimit të policisë, rreth orës 18:30, në aksin rrugor “Pogradec-Qafë Thanë” në afërsi të Gurit të Kuq, shtetasja K. H., 25 vjeçe, duke drejtuar automjetin tip “Volvo”, dyshohet se ka humbur kontrollin mbi drejtimin e tij dhe automjeti ka dalë nga rruga. Për pasojë është dëmtuar drejtuesja dhe vajza e saj rreth 2 vjeçe, pasagjere në mjet, të cilat ndodhen në spital jashtë rrezikut për jetën.