Dy ukrainase gjenden të vdekura në Tiranë, shkak mbidoza e ilaçeve me përbërje narkotike

Këtë të premte, dy ukrainase të moshave 25 dhe 40 vjeçe janë gjetur të vdekura nga shoqja e tyre në një shtëpi me qira ditore në Tiranë. “Më datë 10.05.2024, rreth orës 13:35, në Rrugën e Dibrës, në banesë, janë gjetur nga shoqja e tyre e dhomës, pa shenja jete shtetaset ukrainase A. K., 25 vjeçe dhe A. L., 40 vjeçe”, njofton policia. Paraprakisht grupi hetimor dyshon se dy ukrainaset kanë humbur jetën për shkak se kanë konsumuar mbidozë ilaçesh me përmbajtje lëndësh narkotike.