Ministrja e Mbrojtjes Olta Xhaçka prezantoi ditën e sotme në strukturat e PS-së kandidatët për kryetarë bashkie në Qarkun e Dibrës, në katër njësitë vendore të këtij rajoni.
Në Dibër prezantoi Dionis Imeri, në Bulqizë Lefter Alla, në Mat Agron Malaj dhe në Klos Ilmi Hoxha, specialistë të fushave të ndryshme dhe kontribues në strukturat e Partisë Socialiste, sidomos gjatë viteve të fundit.
Drejtuesja politike tha se strukturat e Partisë Socialiste duhet të jenë të angazhuara në zhvillimin e një fushate serioze për t’i fituar këto bashki me 30 qershor 2019, për të mundësuar më shumë shërbime për qytetarët dibranë, bulqizakë e matjanë. E rëndësishme për ministren Xhaçka është zhvillimi i zgjedhjeve me pjesmarrje të gjërë të qytetarëve. /tirananews.al/