Presidenti i Partisë së Lirisë, Ilir Meta e quan tallava takimin e Kryeministrit Edi Rama në Athinë. Meta tha se për takimin e kreut të qeverisë u shpenzuan dhjetëra milionë Lekë që sipas tij me këto para mund të ishin dyfishuar pensionet.
“Të gjithë e dinë si administrata e bashkive të Rilindjes dhe administrata shtetërore. Duke shkulur administratën e për t’i dërguar atje. I vetmi zhvillim pak pozitiv për ata shqiptarë që shkuan, ishin këngëtarët. PL është për votën e diasporës, ka qenë edhe dje është edhe sot.
Ata e dinë shumë mirë se kush do t’i rikthejë çunat e Londrës në vend. Ajo tallavaja që ka kushtuar dhjetëra milionë euro mund të ishin dyfishuar pensionet për të gjithë qarqet ku u shkulën patronazhistët e u dërguan atje”.