Presidenti Vladimir Putin bëri ndryshime në kabinetin qeveritar të dielën duke emëruar Andrei Belousov, një ekonomist që ka mbajtur për herë të parë rolin e zëvendës kryeministrit të Rusisë, si ministër të ri të Mbrojtjes, në vend të Sergei Shoigut.
Zoti Shoigu, i vetmi anëtar i qeverisë që Presidenti Putin e zëvendësoi, u emërua Sekretar i Këshillit të Sigurisë Kombëtare, një pozicion këshillues shumë i fuqishëm për Kremlinin, duke zënë vendin e Nikolai Patrushevit, aleat për një kohë të gjatë i Vladimir Putinit.
Njësoj si Presidenti, zoti Patrushevi më herët ka drejtuar Shërbimin Federal të Sigurisë së Rusisë, pasardhëse e KGB-së sovjetike. Këshilli i Federatës, dhoma e lartë e parlamentit rus duhet të miratojë emërimin e zotit Belousov, një formalitet, për të cilin nuk ka dyshime.