Përfaqësuesi i Francës në ”Eurovision 2024”, mahniti audiencën kur performoi këngën e tij “Mon Amour”. Slimane i emocionoi të gjithë me performancën elektrizuese dhe siguroi vendin e katërt.
Edhe pse jo fitues i festivalit, këngëtari 34-vjeçar vendosi një rekord pasi “Mon Amour” u bë kënga franceze më e dëgjuar në histori në vetëm 24 orë, të dielën, në Spotify, me 1.8 milionë transmetime në mbarë botën.
Kënga u rendit e 69-ta në top-listën botërore në platformën suedeze të transmetimit: mjaftueshëm për të kaluar rekordin e mbajtur më parë nga një francez. “Mon Amour” është bërë kënga franceze më e dëgjuar në botë në Apple Music.