Reshje të dendura shiu do të shoqërojnë vendin gjatë gjithë javës së dytë të majit, ndërsa sinoptikanët parashikojnë që moti të përmirësohet të premten.
Sipas Meteoalb, dita vijon me shira të dobët dhe mesatarë në të gjithë vendin. “Kjo situatë sinoptike do të vijojë edhe pjesën më të madhe të ditës së hënë. Rrjedhimisht, Shkodra, Lezha, Fushë-Kruja, Tirana, Durrësi, Elbasani, Lushnja, Fieri por akoma më tepër zonat urbane në ekstremin Jugor si Vlora, Gjirokastra, dhe Saranda nga sonte gjatë natës dhe deri pasditen e së hënës rrezikojnë përmbytje lokale (jo i gjithë qyteti). Neser rrezikohen edhe qytete apo zona lokale në Juglindje të vendit”, thotë Meteoalb.
Ndërkohë probleme raportohen edhe në porte, për shkak të dallgëzimit të lartë të detit. Pas fundjavës do të ketë më shumë ditë me diell, duke rikthyer një situatë normale për majin.