Prokuroria e Posaçme lëshoi 50 urdhër-arreste për persona të dyshuar si pjesë e 7 bandave kriminale, mes tyre dy punonjës policie, Henerigert Mitri e Klodian Shahini, si edhe dy ish-efektivë të RENEA-s.
Por gjatë operacionit policor, me urdhër të SPAK, që u zhvillua në datat 17 dhe 18 maj, asnjë prej katër punonjësve të policisë nuk u vendos në pranga.
Ndërkohë mësohet se Henerigert Mitri, i cili aktualisht mban postin e shefit të sektorit në Drejtorinë e Përgjithshme të Policisë së Shtetit dhe Klodian Shahini, e cili punonte në sallën operative të Policisë së Dibrës, nuk janë paraqitur në punë më 17 Maj kur nisi edhe operacioni i SPAK.
Gjithashtu mësohet se në megaoperacionin për arrestimet e personave të shpallur në kërkim nuk kanë marrë pjesë as Forcat Operacionale.
Ndërsa janë ngritur dyshime për dekonspirim të operacionit të Prokurorisë së Posaçme.
Kujtojmë se Prokuroria e Posaçme lëshoi 50 urdhër arreste, nga të cilat 14 u ekzekutuan në Shqipëri, dhe 6 të tjera në Itali, Gjermani, Spanjë dhe Belgjikë