Rama shtyn takimin me shqiptarët në Mynih

Pas anulimit të takimit në Londër, kryeministri Edi Rama shtyn edhe takimin e Mynihut me diasporën shqiptare. Takimi ishte planifikuar në datë 9 qershor. Shkak për shtyrjen janë zgjedhjet për Parlamentin Europian. Takimi i Ramës me shqiptarët e Gjermanisë do zhvillohet gjatë muajit shtator. Kryeministri nuk do të udhëtojë drejt Londrës të dielën e 2 qershorit. Takimi me diasporën shqiptare në Britaninë e Madhe do të zhvillohet pas zgjedhjeve parlamentare të 4 korrikut në Britaninë e Madhe.