Një martesë mes dy grave shkaktoi debat në media, por edhe mes qytetarëve. Shkrimtarja dhe gazetarja Alda Mehmeti shprehet se Shqipëria është një vend me histori konservatore që mbështet te familja.
Nëse marrim parasysh procesin e integrimit, dhe aspiratat e Shqipërisë për t’u bërë pjesë e familjes europiane, Mehmeti pohoi se ndoshta në një pikë, ligjvënësve shqiptarë mund t’u duhet ta kalojnë ligjin që i legalizon martesat homoseksuale.
“Do ta ngrënë kartonin, por me kokën ulur. Ata janë bij të këtij populli, Shqipëria është një vend me histori konservatore për familjen. Parlamentarët tanë, se shumica e vendeve të bashkimit europian e kanë miratuar ligjin e martesave brenda së njëjtës gjini, kjo mund të ndodhë. Është një nga pikat që Shqipëria duhet të përmbushë për tu bërë anëtare me të drejta të plota në BE.”
Sipas saj, shoqëria shqiptare nuk është në kushtet kur mund të promovojë diçka si martesat brenda së njëjtës gjini, si diçka që e çon përpara.