Një vogëlushe rreth 1 vjeç e gjysmë, Elettra, është mbytur pasi gëlltiti një tapë shisheje. Pavarësisht përpjekjeve për ta shpëtuar dhe shtrimin e saj në terapi intesive në spitalin e Padovës, ajo s’ka mundur të mbijetojë.
Prindërit e vogëlushes kanë bërë menjëherë manovrat e para për të zhbllokuar rrugët e frymëmarrjes, por vajza e vogël kishte gjithnjë e më shumë vështirësi që të merrte frymë.
Babai i Elettra-s më pas vendosi ta çonte vajzën e tij me makinë në spitalin aty pranë, ku mjekët tentuan që ta shpëtonin por pësoi arrest kardiak për shkak të vështirësisë për të marrë frymë.
Mësohet se vajzës iu ishte hequr tapa e shishes nga trakeja, por gjendja e saj vijoi të ishte shumë e rëndë.