Hetimi për TIMS, PS-ja vendos që dëshmia e kryepolicit Rrumbullaku të bëhet me dyer të mbyllura

Komisioni Hetimor për TIMS me votat e deputetëve të PS-së vendosi që dëshmia e Drejtorit të Përgjithshëm të Policisë së Shtetit, Muhamet Rrumbullaku, të bëhet me dyer të mbyllura. Vendimi u parapri nga debatet mes deputetëve demokratë dhe socialistë.  Toni Gogu, nënkryetar i Komisionit Hetimor, tha se kemi një kërkesë paraprake nga Rrumbullaku që kërkon dëshmi me dyer të mbyllura. Kryepolici tha se dëshmia përbën sekret, por tagrin për të vendosur sesi duhet të zhvillohet mbledhja e ka Komisioni.