Shtëpia e Bardhë ka konfirmuar se Ukraina është lejuar të rrëzojë aeroplanët e Moskës mbi territorin rus me armë amerikane që nga shpërthimi i luftës.
“Ukraina mund të rrëzojë aeroplanët rusë që përbëjnë një kërcënim të afërt dhe se ata e kanë këtë leje që nga fillimi i luftës”, është shprehur Zëdhënësi i Sigurisë Kombëtare, John Kirby.
Sqarimi u dha për shkak të konfuzionit rreth vendimit të fundit të Uashingtonit për të lehtësuar rregullat për armët e furnizuara nga SHBA-ja që godasin objektivat ushtarake në tokën ruse.
Presidenti amerikan, Joe Biden dha autorizimin për sulmet në një bazë të kufizuar për të ndihmuar Kievin të mbrohet kundër avancimeve të forcave të Kremlinit drejt Kharkiv.
Kirby tha se nuk mund të konfirmonte raportet se Ukraina kishte përdorur armë të furnizuara nga SHBA-ja në territorin rus për herë të parë.
“Ne thjesht nuk jemi në një pozicion të përditshëm për të ditur saktësisht se për çfarë po qëllojnë ukrainasit.
Është sigurisht në një nivel taktik. Pra, nuk mund ta konfirmoj këtë. Mund t’ju them se ata e kuptojnë udhëzimin që u është dhënë”, shtoi ai.