Policia ka arrestuar një 18-vjeçar, ndërsa një tjetër është në kërkim pasi po lëviznin me automjet me armë zjarri pa leje në lagjen “Minatori” në Bulqizë.
Drejtuesi i automjetit porsa pa shërbimet e policisë, nuk iu bind urdhërit për ndalim por u largua me shpejtësi duke rrezikuar jetën e punonjësve të policisë.
Djali i identifikuar me inicialet K.S., është vendosur në pranga menjëherë ndërsa shoferi me inicialet E.T., 21 vjeç është larguar në këmbë pasi braktisi mjetin.
Uniformat blu kanë sekuestruar 1 armë zjarri pushkë dhe 130 copë fishek. Materialet procedurale i kaluan Prokurorisë së Dibrës, për veprime të mëtejshme.