Komisioni parlamentar i Ligjeve pritet të nisë të mërkurren e ardhshme shqyrtimin e nismës për rivlerësimin e pronave.
Nisma është propozuar në Kuvend nga deputetja e mazhorancës Blerina Gjylameti.
Kjo nismë ka synimin që t’u ofrojë qytetarëve mundësinë e rivlerësimit të pasurive të paluajtshme deri me 31 qershor të vitit 2025.
Nëse nisma miratohet, atëhere rivlerësimi do të bëhet kundrejt pagesës së 3% të diferencës ndërmjet vlerës së rivlerësimit dhe vlerës kontabël të regjistruar, për pasuritë e paluajtshme.
Mundësinë e përfitimit nga ky proces i rivlerësimit të pronave do ta kenë edhe individët që janë në proces legalizimi dhe regjistrii të pasurisë si dhe individët që disponojnë kontratë sipërmarrje ose porosie dhe që janë në proces legalizimi dhe regjistrimi të pasurisë.
Miratimi i këtij projektligji parashikohet të ketë efekte të drejtëpërdrejta në nxitjen dhe formalizimin me vlerën e tregut të pasurive të paluajtshme. Ky proces ka rezultuar me interes të lartë për qytetarët në vitet e mëparshme.
Nëse nisma merr miratimin e komisioneve kuvendore, atëherë kalon për votim në parliament. Pas votimit në Parlament, nevojitet dekretimi nga Presidenti dhe publikimi në Fletoren Zyrtare që nisma të marrë fuqi ligjore.
Ndërkohë, përfaqësues të sektorit të pasurivë të paluajtshme kanë kërkuar përshpejtimin e nismës për faktin se periudha deri në miratimin e nismës mund të sjellë një frenim të tregut të shitblerjeve në pritje të miratimit të nismës.