Një trajler i ngarkuar me gaz është përmbysur në kthesat e Qafë Thanës, pak minuta më parë. Drejtuesi i mjetit ka humbur kontrollin dhe për pasojë është përmbysur në një kthesë të fortë, për shkak të ngarkesës së rëndë dhe shpejtësisë së lartë.
Drejtuesi i mjetit është lënduar në kokë dhe krah.
Fatmirësisht, edhe pse trajleri ishte i ngarkuar me gaz, nuk ka shpërthyer, çka mund të kishte pasur pasoja fatale.
Aktualisht, në vendngjarje ndodhen policia dhe zjarrfikësit, të cilët po qëndrojnë në gatishmëri për të ngritur kamionin me vinç dhe për të shmangur probleme të mundshm që mund të çojë në shpërthim.