Spanja dhe Italia ndeshen me njëra-tjetrën në Gelsenkirchen, me të dyja skuadrat që duan tre pikët për t’u kualifikuar, teksa në lojë është disi edhe fati i Shqipërisë.
“La Roja” vjen nga një fitore bindëse me rezultatin 3-0 përballë Kroacisë, duke konfirmuar veten si pretendent për të ngritur titullin në fund.
Nga ana tjetër, “Azzurri” arriti të mposhte Shqipërinë me rezultatin 2-1 dhe kërkon me çdo kusht të ruajë titullin që fitoi përpara 3 vitesh.