Rusia po rifillon prodhimin e raketave me aftësi bërthamore dhe rreze të mesme, tha presidenti Vladimir Putin, pa saktësuar se për çfarë po mendon që t’i përdorë ato.
Ai shtoi se kjo vjen në kundërpërgjigje ndaj rritjes së prodhimit të armëve nga Shtetet e Bashkuara të Amerikës. Kjo garë vjen pas braktisjes së paktit për armët bërthamore nga ana e Uashingtonit dhe Moskës, në mes të konfliktit në Ukrainë.
Në drejtim të Kievit SHBA-të vazhdojnë që të vërshojnë miliona dollarë ndihma për të fuqizuar mbrojtjen dhe rezistencën ukrainase. Paketa e re prej 150 milionë dollarësh përfshinë sisteme të mbrojtjes ajrore dhe municione artilerie 155 milimetra.