Është mbyllur edicioni i 14 i festivalit ballkanik të filmit dhe kulinarisë në qytetin e Pogradecit, në një mbrëmje plotë emocione janë ndarë çmimet për filmat më të mirë. Çmimi kryesor “Fatos Baxhaku” është dhënë për filmin vizator “Gilgamesh” me animator dhe Regjizor Fatmir Veseli. 50 filma janë shfaqur në 5 ditët e festivalit, prej tyre 44 në garë, ndërsa në sheshin Odeon janë shfaqur filma shqiptarë të restauruar.
Gerta Qurku e emocionuar në skenë gjatë ceremonisë të mbylljes tha se festivali u formua nga i ndjeri Fatos Baxhaku, Gerta Qurku dhe Eno Milkani. Ndërsa ai u konceptua që të bashkojë njerëz për të ndarë ide dhe përceptime në një vend të bukur si Pogradeci. Ndërkaq ajo kërkoi që ky festival të mbeshtetet për të pasur vazhdimësi.
Themeluesi tjetër Eno Milkani tha se ky ishte një vit i suksesshëm për festivalit, ndërkohë që janë shkëmbyer eksperienca të shumta me pjesëmarrësit. Milkani tha se përsëri ja ka dalë të sjellë në këtë festival filma shumë të mirë.
Kreu i QKK Eol Çashku shtoi se ky festival edhe pse është Ballkanik, sjell Europën në Pogradec. Ndërsa duhet më tepër mbështje për festivale të filmit, më shumë kulturë dhe më pak injorancë.
Festivali Ballkanik i Filmit dhe Kulinarisë i cili zbriti për 5 ditë në Pogradec ktheu atmosfrën e filmave të ndryshëm, ndërsa pritet që edhe vitin e ardhshëm ky festival të kthehet në Pogradec.