Franca dhe Belgjika u përballen sot në orën 18:00 në fazën e 1/8 të Euro 2024, me duelin që u luajt në stadiumin e Dusseldorfit.
Përballja mes tyre është e 76-ta në histori, me Belgjikën që ka regjistruar 30 fitore, kundrejt 26 të francezëve.
19 ndeshje mes tyre janë mbyllur në barazim, teksa 162 gola janë shënuar nga belgët dhe vetëm 131 nga “Gjelat”.
Veç statistikave në më shumë se 120 përballje mes tyre, Franca në vitet e fundit ka marrë fitore të rëndësishme kundër “Djajve”. Franca fitoi në gjysmëfinalen e Kupës së Botës 2018 kundër belgëve, kjo duke i hapur rrugë “Gjelave” për të shkuar në fund te trofeu. Edhe në Ligën e Kombeve 2021 Franca fitoi sërish kundër Belgjikës.
Në këtë Euro 2024 Franca e mbylli Grupin D në vendin e dytë, teksa Belgjika kaloi në çerekfinale po si e dyta, por në Grupin E. Fituesi i kësaj ndeshjeje do të luajnë me Portugalinë ose Slloveninë në çerekfinalen e Hamburg më 5 korrik.