Një sportist i njohur egjiptian i hokejit është akuzuar për vrasjen e bashkëshortes së tij në shtëpinë e tyre 250,000 paundëshe në Birmingham, në veri të Anglisë.
42 vjeçari Mohamed Samak, akuzohet për vrasjen e Joanne Samak, 49 vjeçe, por nuk u paraqit sot në seancën e hapjes së gjyqit te çështjes në Birmingham.
Zonja Samak, stiliste e vjetër me një kompani dizajni ambjentesh te brendshme, u zbulua me plagë të rënda në shtëpinë e çiftit mbrëmjen e 1 korrikut.
Megjithë përpjekjet e grupeve paramjekësore, ajo u shpall e vdekur në vendngjarje.
Zoti Samak është dërguar në paraburgim nga gjykata deri në gjyqin e gushtit.
Ende nuk njihen detaje apo motive për tragjedinë por familja e të ndjerës i bënte asaj homazhe si një person “i dashur, bujar, e i ndjeshëm”.
“Jemi mirënjohës për Jo dhe dashurinë që na ke dhënë gjatë viteve që ishte me ne. Do të të duan e do të na marrë malli për ty gjithmonë”, shkruanin ata.
Ndërsa Samak, ish-sportist i kombëtares egjiptiane të hokejit, punonte në Angli e Uells me të rinjtë në hokej.
Zyrtarët nuk dhanë detaje të mëtejshme për tragjedinë teksa hetimet vijojnë.