Pas triumfit të mbrëmshëm ndaj Francës së Mbappe, kombëtarja spanjolle është larguar nga hoteli ku po qëndronte, në Mynih.
Me daljen nga objekti pati buzëqeshje dhe ovacione nga publiku brohoritës, teksa trajneri Luis de la Fuente iu dërgoi një mesazh fansave të tij, duke kërkuar që të vazhdojnë kështu dhe të mos ndalojnë së mbështeturi kombëtaren.
Pastaj rrodhën disa lajme të mira për “La Roja”. Morata ishte protagonisti i anekdotës së ditës, me një stjuard që e goditi pa dashje gjatë festimeve, me sulmuesin iberik që më pas u pa duke çaluar.
I pyetur për gjendjen e tij fizike pas incidentit me rojen e sigurisë, Morata iu përgjigj mikrofonave të “Marca”: “Ndihem mirë, prezenca ime në finale nuk është në rrezik”.
Madje, Morata ka bërë shaka për ta mbyllur përgjigjen me humor: “Kësaj radhe, kartoni i verdhë shkon për stjuardët…”
Në fakt, në fishkëllimën e fundit, stuardët, në përpjekje për të ndaluar një pushtues të fushës, që shkonte drejt Morata, goditën gjurin e djathtë të lojtarit të Atletico Madridit, duke shkaktuar shqetësim te tifozët.
Fillimisht, sipas gazetës spanjolle, stafi mjekësor i kombëtares nuk kishte përjashtuar as pasoja të rënda, me pasojë humbjen e finales së Berlinit. Hipotezë e cila, sipas fjalëve të të interesuarit, duket se është shmangur.
