Greqia po përballet me temperatura ekstreme, ku kjo verë po bëhet gjithnjë e më përvëluese për qytetarët vendas.
Kryebashkiaku i Athinës ka nisur të planifikojë për të marrë masa, duke mbjellë pemë, vendosur ajër të kondicionuar dhe stacione uji.
“Prioritet që njerëzit e kryeqytetit të Greqisë, metropolit më të nxehtë të Evropës kontinentale, të mbijetojnë gjatë verës. Pas një qershori që ishte më i nxehti në histori, rajoni i madh i Atikës ka përjetuar tashmë temperatura rekord dhe zjarre.
Në çdo vend, trajtimi i fenomeneve të tilla ekstreme të motit do të ishte i vështirë. Në një qytet me shtatë kodra dhe një zhvillim kaq të dendur urban është veçanërisht kompleks”, deklaroi kreu i Athinës, ndërsa foli edhe për shqetësimin e autoriteteve të tjera.
Kjo është arsyeja pse Doukas është kaq i preokupuar me mbjelljen e pemëve.
“Një lagje e gjelbër mund të pësojë një rënie të temperaturave prej 5%, ndryshimin midis një dite të vështirë në një valë të nxehti apo jo. Nuk është çështje stili i jetesës, apo përmirësimi i cilësisë së jetës; bëhet fjalë për mbijetesë kur 23% e mushkërisë së gjelbër përreth Athinës është shkatërruar vitet e fundit nga zjarret. Është jetike që të kemi më shumë pemë, më shumë qendra komunitare me ajër të kondicionuar dhe më shumë stacione uji në rrugët dhe sheshet tona.”
Haris Doukas nuk është i saponjohur me krizën klimatike apo rreziqet që ajo paraqet.
“Gjëja më e mirë e kësaj pune është se ju mund të përmirësoni jetën e njerëzve. Nuk ka të bëjë më me teori, por për ta bërë Athinën më të qëndrueshme dhe më elastike. Sigurisht që jam i shqetësuar … Ne po bëjmë gjithçka që mundemi”.