Ish-deputetja e Partisë Demokratike Jozefina Topalli i është bashkuar protestës së opozitës që po mbahet para kryeministrisë. Në një deklaratë për mediat Topalli u shpreh se janë me qindra arsyet ose ajo dhe gjithë qytetarët duhet të jenë në shesh për të protestuar.
Sipas saj, largimi masiv i të rinjve, plakja e popullsisë, për të mos përmendur korrupsionin qeveritar dhe varfërinë janë arsye të forta për të larguar këtë qeveri.
“Ne kemi një problem të madh se kemi kryetarin të arrestuar. Problemi më i madh i kombit tonë sot është boshatisja, të rinjtë janë larguar, në asnjë vend tjetër shpejtësia e plakjes së popullsisë nuk është në nivelet e vendit tonë. Unë besoj se problemet e përçarjes nuk ekzistojnë më, kemi pasur një kalvar të gjatë, por shqiptarët kërkojnë një opozitë të fortë që të luftojë këtë qeveri të korruptuar. Kryetari duhet të lirohet, është çështje e pluralizmit”, tha Topalli.