Ministria e Jashtme gjermane është e mendimit se që kur Hungaria mori presidencën e Bashkimit Evropian më 1 korrik për Europën është shkaktuar një dëm i madh.
“Jemi në ditën e 12-të dhe tashmë janë bërë shumë dëme”, tha zëdhënësi i qeverisë gjermane, Wolfgang Buschner. Ky reagim erdhi pas vizitave të Orban në Moskë dhe Pekin, ku i përshkroi si lëvizje “të njëanshme” që “BE i vëzhgon me habi dhe skepticizëm”.
Ai tha se kryeministri hungarez mund të udhëtojë ku të dojë, por “ajo që nuk mund të pranohet është që ai të krijojë përshtypjen se po e bën atë në emër të të tjerëve. Sigurisht që do të ketë diskutime të mëtejshme për mënyrën se si BE do ta trajtojë këtë”.