Kryetarja e LSI-së, Monika Kryemadhi vijon vizitën e saj në SHBA, ku është takuar me një sërë zyrtarësh amerikanë.
Kryemadhi është takuar edhe me Nancy Pelosin, Spikeren e Dhomës së Përfaqësuesve në Kongresin Amerikan, ku bën të ditur se biseduan mbi marrëdhënien e Shqipërisë dhe Shteteve të Bashkuara të Amerikës.
“Kryetarja Pelosi është një model shumë i fortë për të gjitha gratë në botë dhe veçanërisht në Shqipëri. Kemi nevojë për më shumë gra e vajza në politikën shqiptare, për ta bërë Shqipërinë shtëpinë tonë. Pres me padurim për të vazhduar diskutimin me një grua kaq të fuqishme për mënyrën se si duhet të fuqizojmë marrëdhënien tonë me SHBA dhe të përfitoj nga eksperienca e saj për të ndërtuar një Shqipëri më të fortë”, shkruan në Facebook Monika Kryemadhi.