18 aksidente rrugore në ditë, shefi i Urgjencës Kombëtare: Kujdes alkoolin dhe vendosni rripat

Shefi i Urgjencës Kombëtare, Skënder Brataj thotë se në këtë periudhë përveç shtimit lëvizjeve dhe numrit të makinave ne rruge dëmi në njerëz është dhe më i madh pasi makinat mbushen me qytetarë që shkojnë në plazhe. Për të mbrojtur fëmijët, por dhe veten Brataj këshillon qytetarët të respektojnë rregullat e qarkullimit. “Kujdes me alkoolin, vendosni rripat, vendosni sediljet e fëmijëve”, thotë Brataj. Sezoni veror dhe sidomos muaji korrik ka shënuar numrin më të lartë të aksidenteve rrugore ku janë shënuar deri në 18 aksidente rrugore në ditë.