Deputetja e PDK-së Flora Brovina sot ka paraqitur një fotografi që sipas saj dëshmon dhunimin e një gruaje 35 vjeçare nga ushtarët serbë gjatë luftës në Kosovë.
Dhunimi sipas saj ka ndodhur në sy të familjes. Në fotografitë e publikuara, shihet se dhunimin e kanë kryer në mënyrë mizore më shumë se tre serbë.
“Rasti në fjalë është një fotografi që është gjetur në aparatin e një ushtari serb që dëshmon aktin, mënyrën se si i kanë dhunuar gratë.
Kjo është vetëm njëra nga mënyrat kur i kanë detyruar familjarët që ta shohin aktin e dhunës seksuale.
Shumë raste kemi kur ato janë mbledhur shumë në numër dhe sistematikisht janë dhunuar nga ushtarët serb.
Gruaja është 50-vjeçare dhe kur ka ndodhur ka qenë 35-vjeçare.
Tani është zgjuar vetëdijësimi institucional që për këto viktima të ngriten aktakuza. Serbia është fajtorja”, tha ajo.
