Deputetja e PS-së, Ermonela Felaj gjatë fjalës së saj në Kuvend për ndryshimet në Kodin Zgjedhor, ngriti pyetjen pse kritikët kanë frikë me këtë listë, apo se s’do jenë në listën e mbyllur.
”Kur dëgjoj kolegët që thonë duam sistem maxhoritar, s’duam sistem mazhoritar, duam lista 100% të hapura. Ky është populizëm, e provuam këtë gjë dhe zgjedhjet e fundit e kanë ndikuar jashtëzakonisht shumë cilësinë e deputetëve.
Cilësia e atyre që vijnë në Kuvend e detekton politikën. Ka qenë një qasje e duhur që të rishikonin listën si do propozohet lista e kandidatëve për deputetë. Më duket ironike që ata që rrahin gjoksin sot për sistemin maxhoritar, kujt ja kanë frikën me këtë që propozohet, që s’janë dot te lista e mbyllur.
Partitë politike qenkan institucione kaq pak të rëndësishme? I kemi në kushtetutë, sikundër flitet për partitë politike në çdo kushtetutë të çdo vendi europian. Kandidatët e pavarur do i nënshtrohen pragut elektoral. Kjo është emirë për ata që kanë qëndrime të ndryshme me partinë”.