Britania ndodhet në gatishmërinë më të lartë në prag të 15 deri 35 protestave të pritshme nga grupet ekstremiste të krahut të djathtë.
Mbrëmjen e së premtes, dhuna shpërtheu në rrugët e qytetit verilindor të Sunderland-it, ku turma kryesisht të rinjsh të irrituar kanë sulmuar policinë, duke i vënë zjarrin makinave të tyre madje i vunë zjarrin edhe stacionit të policisë. Ndërkohë janë bërë tetë arrestime.
Protestat janë nxitur nga lajmet e pavërteta, ku pretendohej se një adoleshent që kishte vrarë me thikë tre vajza të vogla, dhe që është një azilkërkues mysliman.
Ministrja e re e Punëve të Brendshme, Yvette Cooper, tha se protestuesit nuk përfaqësojnë Britaninë dhe policia ka mbështetjen e plotë të qeverisë për ndërmarrjen e masave më të fuqishme që shkelësit e ligjit të ndeshen me forcën e plotë të ligjit.