Dy emigrantë kanë vdekur dhe një është zhdukur pasi një varkë me më shumë se 30 persona u mbyt rreth 27 kilometra në juglindje të qytetit italian të Sirakuzës në Siçili, njoftoi sot Roja Bregdetare Italiane.
Në deklaratë thuhet se roja bregdetare shpëtoi 34 emigrantë dhe i çoi në portin e Sirakuzës pasi morën një telefonatë fatkeqësie të shtunën vonë dhe dërgoi një varkë dhe aeroplan në zonë, raportoi Reuters.
Theksohet se në varkë kishte sirianë, egjiptianë dhe bengalianë.
Sipas Kombeve të Bashkuara, më shumë se 23,500 emigrantë kanë vdekur ose janë zhdukur në Mesdheun qendror që nga viti 2014.
Një raport i zyrës së Organizatës Ndërkombëtare për Migracionin (IOM) në Libi thotë se të paktën 167 persona kanë vdekur në Mesdheun qendror që nga fillimi i vitit, ndërsa 324 persona janë të zhdukur.