Juristi Kreshnik Spahiu i bëri thirrje kryeministrit Edi Rama, që të mos e betonizojë Himarën, ashtu siç bëri Sali Berisha me ”Shkëmbin e Kavajës”. Thirrja vjen pasi PS-ja fitoi në zgjedhjet e parakohshme në Himarë. Spahiu thekson edhe se Himara është shumë e rëndësishme dhe ajo pjesë e jugut nuk e mban dot betonizimin dhe kantieret e ndërtimit.
”Himara është Shkodra e jugut të Shqipërisë. I bëj thirrje kryeministrit Edi Rama që mos e betonizoj Himarën dhe Dhërmiun, njësoj siç e bëri Berisha me ”Shkëmbin e Kavajës”. Strategjitë për Tavon duhet të jetë e kujdesshme për Shqipërinë turistike. Riviera shqiptare nuk e mban betonin që ka bregdeti i Adriatikut.
Do mbaj përgjegjësi nëse e bën shkëmb e beton jugun e Shqipërisë. E them i shqetësuar. Nëse udhëton sot sa kalon tunelin shikon gjysmën e bregut me kantiere ndërtimi. Është e udhës ti bëjmë thirrje qeverisë, Ramës e Tavos që riviera shqiptare është perla. Më e rëndësishme se Shkodra në disa aspekte. Është më e mrekullueshme, më joshëse. Strategjia duhet të jetë krejtësisht tjetër. Vija bregdetare duhet ruajtur nga dyndja barbare e betonit e hoteleve dhe uria që kanë ndërtuesit shqiptar”, tha Spahiu.