Fabjan Doda është zbuluar nga Krimi Kibernetik në Tiranë, si autori i 62 shantazheve për zhvatje parash e kërcënim për pubkikim foto e video intime. Nëpërmjet një profili agjentët e Krimit Kompjuterik, kanë zbuluar se IP që shantazhonte vajzat në Shqipëri vinte nga një burg në Lyon të Francës. Me interpol është zbuluar Dodaj dhe është sekuestruar teleofoni si provë materiale gjatë kontrolleve në qelinë e tij. Shqiptari i dënuar në Francë rezulton i martuar dhe me tre fëmijë.
Përmes impulseve dhe qelizave kompjuterike të cilat pulsonin nga burgu në Francë u bë identifikimi. Menjëherë pas kësaj efektivët lajmëruan autoritetet franceze, të cilët ushtruan kontroll në qelinë e të riut ku iu gjetë një celular. Fabjan Dodaj krijonte profile të rreme duke marrë fotografitë të vajzave të ndryshme dhe i denigronte në rrjetet sociale. Pas kësaj ai i shantazhonte duke i kërkuar foto dhe video intime.
”Nga veprimet hetimore të kryera ka rezultuar se 34-vjeçari ndërhynte në profilet e rrjeteve sociale (kryesisht Tik Tok dhe Instagram) të shtetaseve të ndryshme dhe pasi merrte fotografi nga profilet e tyre, i publikonte ato në profile false të krijuara prej tij, duke vendosur përshkrime denigruese. Autori më pas i shantazhonte këto shtetase, duke i kërkuar fotografi dhe video intime në këmbim të fshirjes së materialeve të publikuara prej tij”, vijon policia.