Ministri i Mbrojtjes Pirro Vëngu, me anë të një postimi në rrjetet sociale, shprehet se situata nga zjarret në vendin tonë vazhdon që të jetë e rënduar.
Vëngu ka parë nga afër situatën nga flakët në Bashkinë e Selenicës. Ai shprehet se pas një lufte të madhe të autoriteteve ndaj zjarreve, më në fund në Bashkinë e Selenicës nuk ka asnjë vatër zjarri.
“Pas një nate përpjekjesh e pune të pandërprerë, strukturat operacionale të Emergjencave Civile në nivel lokal dhe qendror, nën koordinimin e Agjencisë Kombëtare të Mbrojtjes Civile, kanë arritur të vënë nën kontroll vatrat e zjarrit në bashkinë e Selenicës.
