Sot është një ditë feste në familjen Kokëdhima, sepse një nga vajzat, Bora, feston ditëlindjen. Stilistja e njohur bën 31 vjeçe dhe në këtë ditë ka marrë një urim shumë special nga motra e saj, Besa Kokëdhima. Artistja e njohur ka publikuar në “Instagram” një foto të motrës dhe ka zbuluar çdo karakteristikë të personalitetit të saj. “Gëzuar ditëlindjen motra ime e bukur, rebele, e fortë, e talentuar, kreative, e zgjuar dhe gallatë. 10000 vite më shumë me lumturi, dashuri dhe fustane”, ka shkruar Besa në urimin e saj.
Njësoj si Besa, edhe Bora është mjaft e njohur në vend si stiliste, por preferon të qëndrojë e tërhequr nga jeta publike. Bora Kokëdhima ka krijuar një brand të saj, “Savage by Koko”, që ka rezultuar mjaft i suksesshëm dhe shumë shpejt pritet të prezantojë koleksionin më të ri të tij. Kujtojmë se stilistja është e fejuar prej pak kohësh me Olsin dhe në daljet e rralla publike ka treguar se ka një marrëdhënie perfekte me të.
